Det er to store tradisjonar i pianojazztrioen: Den amerikanske og den skandinaviske. Førstnemnde er ekspansiv, ornamental og melodisk. Den imponerer med sin tekniske virtuositet, formrikdommen den er i stand til å framkalla, sitt breie omfang av påverknader og inspirasjon, kopling til det moderne livet. Sistnemnde er introspektiv, minimal og rytmisk. Den utmerkar seg ved sine hypnotiske eigenskapar, konsentrasjonen og avgrensingane den er i stand til å ta vare på, djupna av stemningar og atmosfærer den eig, røter den har i tradisjon. Helge Lien vaks opp midt i mellom desse to tradisjonane. Å byggja bruer mellom ulike kulturar og jobba med kontrastar har alltid vore kjernen i tilnærminga hans.

 Lien har aldri lagt skjul på sin djupe respekt og beundring for pionerane, frå Miles og Chick Corea til Jarrett og John Coltrane. Samtidig følgde han sin personlege veg akkurat i den augneblinken han dukka hovudstups inn i den skandinaviske arven på det sensasjonelt suksessrike Hello Troll. Og medan oppfatninga hans av trioen tydeleg deler overlapping med den amerikanske, har pianolyden hans den gjenkjennelege nordlege fargetonen, den istappliknande klarleiken, den transeframkallande sirklinga rundt bitte små motiviske celler, som gradvis byggjer seg inn i lyriske verder.

Helge Lien Trio har etablert seg som ein av dei fremste jazzensembla i landet og kan visa til strøymingstal i millionklassen. Med Helge Lien på piano, Johannes Eick på bass og Knut Aalefjær på trommer, leverer dei rørande melodiar, lekne improvisasjonar og årvåkent samspel.

Helge Lien Trio:

Helge Lien – piano

Johannes Eick – bass

Knut Aalefjær – trommer

Video: https://www.youtube.com/watch?v=9j-JtbEhGAo&list=RD9j-JtbEhGAo&start_radio=1