Gitarist Arne Skage er ein veteran innan blues-, roots-, og americana-miljøet i Noreg. Skage har vore med som musikar frå Rita & Frank Eriksen si storhetstid og har 30 år som blueskonge-pianist Reidar Larsen si høgre hand. Skage sin distinkte slidegitar har vore å høyra på hits og scener sidan 1990. Skage har samarbeidd i ulike prosjekt med ei rekkje internasjonale toppmusikarar opp gjennom åra, som Roy Rogers, George Porter Jr, Doug Belote, John Papa Gros, John Mooney, Terence Higgins, Johnny Vidacovich, Cyril Neville, for å nemna nokre. Dei seinare åra har han vore produsent for blant anna spellemannsvinnar Daniel Eriksen sitt “Barefoot amongst scarecrows”-album (2020) og for spellemannsnominerte Joe Rusi si “Who I am”-plate (2015).
I februar 2021 kom solodebuten etter å ha medverka på over 70 plateproduksjonar for andre artistar. Plata har fått gode kritikkar i inn- og utland med femmarar i t.d. StavangerAftenblad, Nettavisen og Bluesnews. Øyvind Rønning i Dagbladet hadde plata på si topp 20 liste over 2021 sine beste nye album. Bluesblast Magazine (US) og Blues in the South Magazine (UK) var også raus med superlativa. Omtalar: Blog Bandet han har med består av Tor Einar “Dr.” Bekken på piano, trekkspel og kor, Stein Inge Brækhus på trommer, Øyvind Grong på bass, tuba og kor. Repertoaret er basert rundt eige materiale frå solodebut-plata “Procrastination Blues”, oppfølgaren “Rootwork” samt ein god dose med New Orleans-gullkorn frå Allen Toussaint, Baby Dodds, ispedd litt Taj Mahal og Little Feat.
Arnes Skage sitt repertoar er utsøkt sett saman av musikk som får alle i ei varm og god stemning. Han leverer låtane med småhistoriar og erfaringar inn i mellom, slik me likar det best.
Arne Skage & The Procrastinators gjesta Stord Jazzklubb i januar 2023. Svært god respons frå publikum den gongen!
Arne Skage – gitar, vokal
Tor Einar “Dr.” Bekken – piano, trekkspel, kor
Øyvind Grong – bass, tuba, kor
Stein Inge Brækhus – trommer
BILLETTAR: https://stordjazzklubb.ticketco.events/no/nb
Musikkeksempel: https://www.youtube.com/watch?v=BHYS4nXnHm4&list=PLRPt1qsbwbBkC1Ob3jBk-gXR6c3D4k4ug&index=1